الصدمة

اتصدمت قبل كدة فـ حياتك :/
اتصدمت فـ حد كنت مديله ثقتك كاملة كنت معتبره زى اخوك ولقيته بيتكلم عليك بالوحش من وراك :(
اتصدمتى فـ حد كنتى بتحبيه وكنتى بتحلمى انه يكون النص التانى بتاعك بس اكتشفتى انه باعك و مكانش يستاهل الحب بتاعك :/
اتصدمت فـ شغلك لما اعتمدت عـ حد واكتشفت انه مبوظ شغلك علشان بيغير منك :(
وغيره وغيره من الصدمات :/
ودخلت بقى فـ مووود الكآبة وسح الدموع والعزلة :'( 
وظنيت ان كل الناس زى بعض ملهمش امان :/
انا مش هاقولك بقى معلش حصل خير ربنا يعوضك وكدة 
لانك اكيييد شبعت من الكلام دة
لكن هاقولك
احمد ربنا ان الموضوع اتكشف بدرى بدرى ^_^
دة ربنا بيحبك اوى علشان كشفهولك بدل ما تفضل عينيك كدة متغمية ومش شايفة الحقيقة ^_^
لحظة الصدمة اهون بكتير من انك تكون غافل ومش دريان بالحقيقة ^_^
كل حاجة بتحصلنا ربنا قدرها لينا لحكمة يعلمها وحده سبحانه ومع الوقت هتعرف الحكمة <3
ربنا بيديك رسالة بيقولك انتبه حاسب نفسك شوف ايه المسار الغلط اللى ماشى فيه وصححه <3
ربنا بيقولك اوعى تعلق قلبك بحد اوى اوى علشان الشخص دة كدة كدة هيسيبك (الموت علينا حق( <3
ربنا بيقولك متعلقش قلبك بحد غيرى انا جنبك وقت فرحتك ووقت حزنك <3
ربنا بيعلمك حاجة فـ كل شىء بيحصلك <3
علشان كدة راجع نفسك وحياتك من تانى شوف ايه السبب فت اللى حصل وصحح مساره علشان تقدر تعيش صح :D ^_^ <3
#صحح_المسار
#عيشها_صح
#خواطر بقلمى