للبناويت وبس ♥♥

وأول ما عرفوا ان كلامهم مع بعض حرام وميرضيش ربنا 
قرروا عـ طول انهم يبعدوا عن بعض لغاية ما ربنا يجمعهم بالحلال 
عـ الرغم من ان البعاد والفراق صعب عليهم و خصوصا هى 
لكنهم هيصبروا اكتر واكتر علشان عايزين حبهم يبقى فـ النور ويرضى ربنا 
وعـ الرغم كمان انهم مش هيعرفوا يطمنوا عـ بعض 
لكنهم بتجمعهم سجدة ودعوة واحدة 
(يارب ي/تكون بخير و اجمعنا يارب بحلالك)  
#يارب_اجمع_المتحابين_بحلالك

***********************************************************************
لكل بنت
بتلبس حجاب صح ماشاء الله عليها 
شافت بنت بتلبس ضيق و طرح قصيرة وحاطة ميك اب 
نفسها تقلدها لانها شايفاها احلى باللبس دة 
تعالى يا قمراية اقولك عـ حاجة
هو احنا لما نشوف اى حاجة نقلدها كدة عميانى مش نفكر الاول 
عايزة تغضبى ربنا بقلة عقلك وتفكيرك ليه؟ 
يا حبيبتى تعرفى ان بحجابك دة ربنا خلاكى ملكة وحفظك وصانك من عيون الناس المريضة تاكل جسمك بنظراتهم 
حجابك دة زينتك وجمالك اللى بيحلى شكلك مش بلبسك الضيق والملفت 
وجمال البنت اخلاقها ادبها حيائها تعاملاتها مع الناس مش جمال جسمها ولا بلبسها الضيق 
تعرفى ان العيون بس هى اللى هتعجب بيكى لكن عمر ما قلب الناس ولا عقولهم هيعجبوا بيكى 
شايفينك واحدة بتعرض جمالها لكل الناس وللاسف العيون المريضة بتاكله بنظراتهم 
تعرفى ان لو كل واحدة ملتزمة ولابسه حجاب صح ومترددة ولقيتك كدة وشافتك وانتى لابسة ضيق واعجبت بشكلك وراحت قلدتك انتى بكدة هتاخدى وزر انها قلدتك 
تعرفى ان كل واحد يشوف جمالك دة ويبصلك و تلفتيه بلبسك الضيق دة تاخدى سيئة شوفى بقى جمعتى كام سيئة النهاردة من اول ما خرجتى من البيت لغاية دلوقتى
ولا انتى مش عايزة رضا ربنا ؟!!
يلا ارجعى عن التفكير دة وصدقينى انتى بحجابك زى القمر 
#اختارى_لبسك_بحرية_بس_بدون_معصية

********************************************************************
اللى بيحبك بجد
مش هيخليكى تكلميه من ورا اهلك 
اللى بيحبك بجد
مش هيخليكى تخونى ثقة اهلك وهيحافظ عليكى وعـ قلبك وسمعتك وهيقولهالك قدام اهلك لانه راجل بجد مش مان 
اللى بيحبك بجد
هيتقدملك من الباب مش من الشباك 

**************************************************************************

مش معنى انك عايزة تلبسى الفستان الابيض 
او انك لقيتى كل اصحابك اتجوزوا و انتى لسه 
او انك خايفة ان العمر يجرى بيكى وتعنسى 
او ان حد من قرايبك او معارفك يقولك انتى لسه ما اتجوزتيش؟ 
انك توافقى ع اى حد يتقدملك والسلام 
لاااااااااااااااااااااااااااااااااااااااااااااااااااااااااااااااااااااااااااا
الحكاية مش <سلق بيض> زى ما بيقولوا ف المثل 
المفروض انك تشوفى اخلاقه واهلك يسألوا عليه 
والمفروض تصلوا انتوا الاتنين صلاة الاستخارة(لان ربنا دايما بيختارلنا الخير) 
اصل دة جوااااااااااااااز 
يعنى هتتنقلى من بنت فلان الى حرم علان 
والنقلة دى معناها انك بقيتى مسئولة منه دلوقتى 
علشان كدة لازم تحسنى الاختيار 
يكون انسان يراعى ربنا ف كل حاجة بما فيها انتى 
وخديها دايما حكمة (لن تجدى الرجولة الا ف ذاك الذى يخاف ربه ف كل تصرفاته) 
و ساعتها هتكونى بالفستان الابيض مع انسان بنيتوا حياتكم مع بعض ف سعادة و حب و توفيق من الله 

**************************************************************************

بالنسبة للى بيقولوا آل ايه الملتزمات عايشين فـ كبت واحباط واننا مش بنعرف نحب
لا احنا مش عايشين فـ احباط ولا حاجة 
احنا عايشين حياتنا وعادى بنخرج وبنتفسح وبنعمل كل حاجة زينا زى الطبيعيين 
بس مع اختلاف
اننا بنعمل كل حاجة صح وبما يرضى الله 
ومفيش سعادة اكبر من ان ربنا يكون راضى علينا صح ولا لا 
علشان احنا بنحب ربنا وعايزين نرضيه 
وهنختار ازواجنا صح 
مش هنختارهم علشان مالهم ولا وسامتهم 
لا احنا هنختارهم علشان دينهم واخلاقهم وتفكيرهم 
و لما تيجى لحظة الحلال هاعيشها انا وزوجى بكل تفاصيلها وهانحب بعض حب حقيقى 
لاننا كنا صايمين عن الحرام ولما جات لحظة الحلال هنروى عطشنا منه وهنعيشها صح بكل تفاصيلها 
احنا عايشين حياتنا كلها بس صح 

**************************************************************************

بالنسبة للى بيقولوا ليه حرام الارتباط الغير رسمى وليه منحبش بعض ولا نخرج مع بعض قبل الجواز 
طاه تعالى اقولك حاجة
لو اختك جت وقالتك انا بحب واحد وماشية معاه وربنا اقل حاجة تعملها معاها تحبسها فالبيت وتضربها قلمين 
ليه اللى مترضوهوش ع اخواتك البنات بترضاه ع غيرك 
يعنى اللى انت ماشى معاها ملهاش عيله هى كمان 
ولا ايه
وخلينا صرحا الراجل الشرقى مش بيحب البنت السهله 
صح ولا لا
دة بقى لو حد عادى هيرد عليك 
انما لو هرد بالدين 
فربنا سبحانه وتعالى محرمش علينا حاجة غير علشان مصلحتنا واننا منقعش فـ الغلط والذنب الاكبر 
ربنا حرم علينا الارتباط الغير رسمى والصحوبيه والاختلاط غير علشان الراجل والست ميفتنوش 
ايون لان الموضوع بيبتدى بكلام واعجاب فحب ثم يتطور ويصل الى الارتباط الغير رسمى اللى فيه غضب من ربنا والزنا !! 
ومش باتكلم عن الزنا اللى نعرفه
لا مهو فيه زنا النظر (انكم تبصوا لبعض) وزنا اللسان (كلمات العشق اللى بتقولوها بدون حاجة رسمية) وزنا اللمس (انك تمسك ايديها) وزنا الرائحة (انها تحطلك برفان وميك اب علشان تعجب سيادتك) وغيره 
وعـ فكرة الحب مش عيب ولا حرام لانه مش بايدينا 
تصرفاتنا هى اللى بتحدد اذا كان حرام ولا حلال 
المفروض كل تصرفاتك فـ الحياة لهدف واحد هو عبادة الله وعدم معصيته 
فانت اذا كنت عايز يبقى ربنا راضى عليك تكتم فـ قلبك علشان من نفسك تحميهاوعف نفسك عنها متحاولش تكلمها او تشغلهاوادعى فـ صلاتك ان ربنا يرزقك بيهاوغض بصرك اشتغل واتعب واجتهد فـ طلب رزقك واول ما يبقى معاك تكاليف الزواج اتقدملها بسرعة 
وهى كمان لو عايزة ترضى ربنا وتحافظ عـ نفسها متتكلمش معاك متخونش ثقة اهلها مترخصش نفسهاوتبعد نفسها عنك تحافظ عـ قلبها ليكوتدعيلك فـ صلاتها ان ربنا يرزقها بيك وتغض بصرها تلبس محتشم علشان تحافظ عـ نفسها من عيون الغير:D
ليه
تقولها انك بتحبها مش قادر يعف نفسه ليه 
ليه
مقدرتش تبعد عنها و متشغلهاش بحبك دة 
لو كنت بتحبها بجد مكنتش استعجل واعترفت بحبك ليها 
وهى ليه
تضعف قدام حبك 
ليه
تخون ثقة اهلها وتكلمك 
ليه
ترخصى نفسها معاك 
ربنا حرم عليكى كل دة علشان انتى ملكة مصانة 
لو كان بيحبك مكانش رضى باللى ميرضاهوش عـ اخواته 
(من تعجل بشىء قبل اوانه عوقب بحرمانه)
عرفتم بقى ربنا بيحبكم اد ايه 

*************************************************************************

هو موش علشان انتى العروسة بقى
وعايزة تفرحى
تقومى تغضبى ربنا 
- ها  ازاى مش فاهمة؟
- لما تطلعى نص شعرك برة الطرحة ال يعنى عايزة تفرجيهم عـ شعرك ال واو 
ولا تلبسى الطرح الاسبانش اللى بتبين الرقبه 
ولا تحطى نص كيلو ميكب اب فـ وشك 
ولا فستانك الابيض يبقى ضيق و مبين نص دراعاتك علشان تعرفيهم انها حلوة 
يا حبيبتى انتى ممكن تفرحى بس بطريقة احسن من كدة 
يعنى الفستان ممكن يبقى واو وتحفة بس يبقى واسع ومحتشم 
والطرحة تلفيها لفة حلوة بس اسلامية يعنى تكون مغطية و مش باين منها ولا شعراية 
والميكب اب ممكن تخليه خفيف بس ضرورى تلبسى حاجة تغظى وشك علشان (ولا يبدين زينتهن الا لبعولتهن) 
اهو انتى كدة تفرحى بس تفرحى بطريقة ترضى ربنا 
علشان لما تبتدى اول خطوة بحياتك الجديدة تبتديها صح عـ رضا ربنا 
#عيشيها_صح

************************************************************************

لكل بنت حبت حد و سابته لما عرفت ان الارتباط الغير رسمى حرام 
لكل بنت حبت حد و قالها فـ نص طريقهم مع بعض معلش اسف احنا مننفعش لبعض وساب قلبها مكسور وجرح عميق جواه 
تعالى عايزة افضفض معاكى بكلمتين 
الاول انا عارفة انك موجوعة اوى ووجعك دة مش اى حد يقدر يحس بيه زيك 
سواء بقى وجعك دة لحبك ليه او نكسار قلبك بسببه 
بس تعرفى
اننا بشر و ضعاف جدا خصوصا قلبنا 
عارفة قلبنا دة بيضعف امتى لما بنبعد عن ربنا وحبنا لربنا يقل ويزيد حبنا للشهوات 
-لالالا استنى انا مش فاهمة النقطة دى انا بحب ربنا ازاى حبى ليه يقل فهمينى؟؟
-حاضر يا قمرايه هافهمك 
قلبنا دة بينبض بالحب 
عارفة قلبنا دة زى الفازا فيه نبته جميلة اسمها نبته الحب علشان تتروى محتاجة مية عذبة اللى هو (حب ربنا)  و اخر الفازا فيه فراغ صغير جدا اللى هو (حب الشهوات) 
لما نبتدى ننغمس فـ الشهوات والمعاصى (اغانى عاطفيه مسلسلات رومانسية ومعاصى تانية كتير)  و نبتدى نبعد عن ربنا (باننا نكسل عن الطاعة او لبسنا ميرضيش ربنا)  يحصل ان المية العذبة اللى بتروى النبته يجف و يقل و الفراغ يزيد
اصبح المحصلة النهائية ان حبنا لربنا يقل و شهواتنا تزيد 
و النبتة الجميلة تبتدى تدبل و تموت ونلاقى قلبنا بقى فراغ مفيهوش حاجة العاطفة مش موجودة و القلب بقى مكسور وقاسى وبقى مترب مش قادر ينبض بالحب اللى يرضى ربنا بقى  
يبتدى القلب يبحث عن اى حب وخلاص علشان النبتة تعيش 
ميلاقيش غير الحب الحرام (اللى بيبتدى بكلمة و بعدين اعجاب وبعدين تعلق القلب وينتهى دايما بكسرة القلب)  
والحب الحرام دة ميته مالحة لما تتروى بيه النبته متروهوش بالعكس تعطشه زيادة 
وفى النهاية بردوا النبته تدبل ونلاقى قلبنا بقى فراغ مفيهوش حاجة العاطفة مش موجودة و القلب بقى مكسور وقاسى وبقى مترب مش قادر ينبض بالحب اللى يرضى ربنا بقى  
-انتى ليه بتقوليلى كل الكلام دة انا عايزة انسى انى عصيت ربنا و ان قلبى اتعلق بحب غير حبه 
- حبيبتى بالعكس انا باقولك كدة علشان اقولك ان لسه ربنا بيديكى فرصة 
فرصة انك تصححى المسار الغلط 
فرصة انك تحى قلبك بحب الله 
فرصة انك تقربى منه اكتر واكتر 
ولو انتى لسه بتحبى الشخص دة صلى ركعتين و فضفضى فـ سجودك و كلمى ربنا عنه 
وادعى بان لو كان خير ليكى يجعله من نصيبك 
(الحب مش انك تكلميه و تخرجى معاه الحب اللى بجد دعوة حلوة فـ جوف الليل ليه)  
ولو انتى مكسورة بسببه نفسك تنسى كل اللى حصل ندمانه انك فتحتيله قلبك قبل الاوان قلبك ضعيف نفسك تقويه 
صلى ركعتين و فضفضى فـ سجودك مع ربنا 
ربنا احن عليكى من اى حد  
وادعى (اللهم إنى اشكو اليك ضعف قوتى وقلة حيلتى وهوانى على الناس انت أرحم الرحمين ورب المستضعفين أنت ربى إلى من تكلنى؟ الى قريب يتجهمنى ؟ أو إلى عدو وكلته امرى ؟إن لم يكن بك على غضب فلا أبالى غير أن عافيتك هى أوسع لى أعوذ بنور وجهك الذى أشرقت له الظلمات وصلح عليه أمر الدنيا والاخرة أن ينزل بى غضبك أو يحل بى سخطك لك العتبى حتى ترضى) 
وكل ما تحسى بضيقة فـ قلبك اجرى عـ سجادة الصلاة وصلى ركعتين وفضفضى فـ سجودك 
مع الوقت قلبك يرجع لطبيعته و يتملى تانى بالمية العذبه حب الله و النبتة الجميلة نبته الحب ترجع تانى تنمو وترعرع 
يلا يا قمرايه فرفشى كدة و افرحى   انتى قوية بالله ♥ ♥
#انتى_قوية_بالله
#ارجعى_لربنا

****************************************************************

اللى بيحبك بجد 
مش هيتكلم معاكى عـ الفيس بحجة انه بيحبك وعايز يتعرف عليكى اكتر قبل ما يتقدملك 
اللى بيحبك بجد 
هيعف نفسه عنك ومش هيكلمك ويراقب بروفايلك وبس 
اللى بيحبك بجد 
هيتقدملك من الباب مش من اللاب 

*************************************************************************

لكل بنت
لسه متجوزتش لغاية دلوقتى 
محجبة حجاب صح ماشاء الله عليها 
صحباتها قاعدين يزنوا عليها البسى كدة يا بت العريس مش هيجيلك طول مانتى بتلبسى واسع حتى مامتها كمان عمالة تزن عليها وتقولها اقلعى لبسك الواسع دة مغطى جمالك يا بت عايزة اشوفك متجوزة بقى ومتهنيه فـ بيت العدل مع عريسك 
تعالى عايزة اقولك عـ حاجة
وهو اى حد يقولك حاجة تنفذيها كدة عميانى مش تفكرى الاول انتى كدة بتغضبى ربنا 
نسيتى (لا طاعة لمخلوق فـ معصية الخالق) ليه؟ 
يا حبيبتى حجابك دة زينتك الجميلة اللى بتحليكى وتخليكى ملكة مصانة مش لبسك الضيق دة 
و عـ فكرة انتى ممكن تعجبى عيون الراجل بلبسك الضيق والملفت دة وبس 
لكن لما يفكر يتجوز واحدة مش هيفكر فيكى لانه شايفك انك مش هتقدرى تحافظى عـ بيته وعرضك بسبب لبسك دة 
ايون انتى مؤدبة ومحترمة بس بلبسك دة صورتى له صورة تانية خالص 
واللى يتجوزك علشان جمالك بكرة لما يلاقى واحدة اجمل منك هيسيبك ويتجوزها 
تعرفى ان كل واحد يشوف جمالك دة ويبصلك و تلفتيه بلبسك الضيق دة تاخدى سيئة شوفى بقى جمعتى كام سيئة النهاردة من اول ما خرجتى من البيت لغاية دلوقتى
ولا انتى مش عايزة ربنا يكون راضى عليكى ؟!!
وعـ فكرة الجواز لا بالشكل ولا بالجمال ولا باللبس 
الموضوع كله نصيب وقدر 
وتأكدى انك هتتجوزى بس لما تبقى قادرة عـ تحمل المسئولية بدل ما تلاقى نفسك مش قد المسئولية وفـ الاخر ترجعى لمامتك وانتى مطلقة 
وخلى بالك ربنا بيبارك فـ الزواج اللى بيتبنى عـ طاعة الله
فمش معقوله تبتدى حياتك فـ الزواج وانتى عـ معصية الله بلبسك دة 
صح ولا لا
#اختارى_لبسك_بحرية_بس_بدون_معصية

*******************************************************************

لكل بنت داخله عـ مرحلة الجامعة 
بس ال ايه عايزة تخلع حجابها الصح وتلبس ضيق علشان تعيش مرحلة الجامعة 
الاول بنقولك حمدا لله عـ السلامة هلا هلا 
ونغنيلك ونقولك : جاية منين من الثانوية ورايحة فين عـ الكلية 
بس انتى ليه عايزة تبتدى حياتك فـ الجامعة عـ غضب من ربنا 
تعرفى ان بحجابك دة ربنا خلاكى ملكة وحفظك وصانك من عيون الغير علشان ميبصوش عـ جسمك وعيونهم المريضة تاكله بنظراتهم 
عـ فكرة شباب الجامعة بيحترم جدا البنت المحجبة حجاب صح علشان بيشوفها انسانه صانت نفسها وآدميتها و عارف انها ملكة مينفعش يقرب منها ولا يقدر يلعب ويتسلى بيها وانها اميرة وملكة لزوجها وبس 
ومش لازم تعجبى عيون الناس بلبسك الضيق وتلفتى نظرهم بلبسك دة 
لا انتى ممكن تعجبي عقلهم وقلبهم ويحترموكى كمان باخلاقك وادبك بحيائك و تعاملاتك وحجابك 
تعرفى ان كل واحد يشوف جمالك دة ويبصلك و تلفتيه بلبسك الضيق دة تاخدى سيئة شوفى بقى جمعتى كام سيئة النهاردة من اول ما خرجتى من البيت لغاية دلوقتى
انتى تقدرى تعيشى مرحلة الجامعة تقدر تحضرى ندوات الكليه و الحفلات وتشتركى فـ انشطة الكليه 
بس فـ نفس الوقت ترضى ربنا مش تعجبى الناس 
#اختارى_لبسك_بحرية_بس_بدون_معصية

***********************************************************************

لكل بنت شايفة الارتباط قدامها 
ونفسها برده تحب وتتحب وان حد يعجب بيها زى باقى البنات 
تعالى يا قمراية عايزة اقولك عـ حاجة 
اى بنت نفسها تحس انها كدة فى حاجة بتميزها عن باقى البنات بحيث ان الولد يعجب بيها علشان الحاجة دى 
ودى فطرة اتخلقت جوانا 
البنت بطبيعتها بتحب انه يهتم بيها باى حاجة بسيطة حتى الكلمة الحلوة بتجذب البنت 
بس عارفة كمان ان البنات قلبها بيتعلق بسهولة لانه ضعيف جدا
و ممكن انه يكسر قلبها و تحس بحزن و بضيقة بسبب الكسر دة 
لو انتى متضايقة ان مش فـ حياتك حد 
لا بالعكس افرحى و زقططى ان كدة قلبك وروحك محفوظة لواحد وبس واللى هو زوجك المستقبلى وانك مفتنتيش حد ابدا 
وانك ملكة مصانه ملكة بادبك وحيائك 
تعرفى ان الشباب بيعجب جدا بالبنت اللى صاينة قلبها و قلبها دة مش مفتوح لاى حد 
بتكبر فـ نظره جدا جدا عارف انها ملكة مش من حقه انه يتسلى بيها وانها ملك لزوجها وبس  
واطمنى ممكن يكون فـ حد معجب بيكى ومش قادر يصارحك علشان من نفسه يحميكى 
اه والله زى ما باقولك كدة 
تخيلى بقى انه ممكن كمان يكون بيحبك حب ملوش حدود لو يطول يجيبلى النجوم يجيبلك بس خايف من الحرام 
فانتى اصبرى والله هتفرحى فرحة مش هتصدقيها من كتر ما هى جميلة 

***************************************************************************

الجواز
لا بالشطارة ولا بالحلاوة ولا بالميك اب ولا باللبس الضيق والملفت اللى بيبين جسمك 
الجواز
دة نصيب وقدر 
اتأكدى ان نصيبك هيجيلك لما تكونى مستعدة للجواز وتقدرى تتحملى المسئولية 
ومتعمليش زى بنات كتير اتجوزت علشان فستان وطرحة ومكانوش قد المسئولية وتعبوا فـ حياتهم وللاسف فـ الاخر رجعوا لعيلتهم بشنطة هدومهم 
و كل ما جوازك يتأخر اطمنى ربنا مقدرلك زوج بنفس المواصفات اللى بتتمنيها وعلشان يهيئك تبقى ام وزوجة صالحة 
بس اياكى تغيرى من حجابك ولا تلبسى ضيق او تحطى ميك اب علشان تجرى رجل العريس زى ما فيه امهات وصحبات للاسف بينصحوهم بكدة 
لا يا حبيبتى انتى كدة بتغضبى ربنا 
ولا انتى مش عايزة رضا ربنا وعايزة يبقى اول طريقك فى الجواز غضب من ربنا 
#ثقى_بالله
#والله_لايخزى_عبده_المؤمن

****************************************************************************

حبيتيه واتعلقتى بيه 
علشان كان بيعاملك حلو او شايفاه فارس الاحلام 
سيبتى نفسك تتعلقى بيه وبقيتى تسمعى اغانى ال ايه علشان تفتكريه 
و بعدى عن اصحابك ونفسك وربنا 
مقتدرتيش تمنعى نفسك انك تحبيه كنتى فـ حبه حاسه انك مسكتى النجوم 
لكن اديكى وقعتى فـ الارض 
اصلك كنتى ماسكة حبال دايبة 
وقلبك انكسر 
عارفة دة معناها انك ضعيفة ومدام ضعيفة يبقى بعدى عن ربنا وعن حبك لربنا 
لان البعد عن حب ربنا بيخلى الواحد يبحث عن الحب اصلنا منقدرش نعيش من غير حب 
اصل قلبنا دة وعاء مليان ميه عذبة واللى هو حبنا لربنا وبيتروى بيه نبته جميله هى نبته الحب 
وفـ اخر الوعاء فراغ صغير واللى هو حبنا لشهواتنا 
لما حبنا لشهواتنا يزيد (نسمع اغانى نتفرج عـ رومانسيات وطاعاتنا تقل وغيره) المية العذبة جفت وبالتالى المحصلة النهائية فراغ فـ القلب و نبته الحب تبتدى تدبل مخلاص المية العذبة اللى كانت بترويها جفت
بيبتدى القلب يبحث عن الحب فـ اى صورة وشكل 
فبيشوف اول حاجة تبقى قدامه وهى التعلق بشخص ما بتشوفيه بقى شخصية حلوة و و و يوووووه حاجات كتير 
وانا متأكدة خلال الفترة دى كنتى قلقانة متوترة قلبك مش مرتاح طبيعى بقى مهو انتى متعلقة بحد تانى غير ربنا هتجيلك الطمأنينة منين 
تعرفى ان ربنا منع عنك الصحوبية والارتباط الغير رسمى وانك مينفعش تفتحى قلبك وخلاص علشان انتى ملكه غالية اوى 
وربنا عارف ان كسرة قلبك دى صعبة اوى 
ربنا بيحافظ عـ قلبك علشان اللى هيبقى ملكه هيقدر يحافظ عليه طبعا اومال مهو بيحبك بجد مش بيتسلى بيكى واللى هو زوجك المستقبلى 
انتى غلطى انك اتسرعتى وانك فتحتى قلبك قبل الاوان 
مش باقولك كدة علشان تأنيب الضمير والنفس 
لا بالعكس انا باقولك كدة 
لان ربنا غفور رحيم 
عالم بحالنا وعارف اننا ضعاف ماحنا بشر وبنضعف 
لسه قدامك فرصة انك ترجعى لربنا 
ترجعى لحبه من تانى 
اجرى عـ سجادة الصلاة وصلى ركعتين و فضفضى فـ سجودك لربنا هترتاحى
الواحد لما بيفضفض مع حد بيحس ان ثقل وانزاح فما بالك انك بتفضفضى مع ربنا اللى هو احن عليكى من اى حد مهو خالقك وعالم بحالك 
(متنسيش ان ربنا عالم بحالك فهو لا يخفى عليه شىء لكن لاننا بشر فطبعنا ان الفضفضه بتريح) 
وارجعى ندمانه لربنا واستغفرى ربنا كتير اوى واشغلى نفسك وحبى ربنا و نفسك واصحابك ومامتك وباباكى 
ومتحاوليش تفتحى قلبك لحد تانى انتى علشان صغيرة فكنتى ضعيفة لكن حافظى عـ قلبك علشان هو ملك واحد وبس
هيحافظ عليه و هيصونه وهيراعيه واللى هو زوجك المستقبلى  
وثقى ان (من ترك شيئا لله عوضه الله خيرا منه) يعنى كل ما تسيبى حاجة علشان رضا ربنا ربنا هيعوضك بحاجة احسن منها 
واطمنى ربنا اكييد مقدر ليكى شخص هيصونك وهيحبك بجد بس الصبر كل حاجة هتخديها فـ ميعادها متستعجليش  
#شوية_فضفضة